Um listamanninn

Sköpun, náttúra og handverk

Þorfinnur Karl er íslenskur listamaður og handverksmaður sem hefur alla tíð haft ríka þörf fyrir að skapa, móta og vinna með höndunum.

Í meira en 28 ár hefur hann starfað sjálfstætt við fjölbreytt verkefni, allt frá almennri smíðavinnu og sérsmíði yfir í leikmyndagerð fyrir kvikmyndir, sjónvarpsþætti og leikhús.

Sköpunargleðin hefur því alltaf verið stór hluti af lífi hans, en í myndlistinni fær hún að njóta sín á annan hátt.

Innblástur úr íslenskri náttúru

Í málverkum Þorfinns er íslensk náttúra í aðalhlutverki. Fjöll, víðátta, birta og andstæður landslagsins eru honum innblástur.

Verkin einkennast gjarnan af sterkum formum, jarðlitum og samspili ljóss og skugga. Þar mætast kyrrð og kraftur náttúrunnar á striganum.

Hvert málverk er einstakt og endurspeglar hans eigin sýn á umhverfið.

Meira en málverk

Auk myndlistarinnar fæst Þorfinnur við fjölbreytt handverk og sérsmíði. Áratuga reynsla hans af því að vinna með ólík efni og form skilar sér í verkum þar sem hugmyndir, handbragð og sköpun fara saman.

Hvort sem um er að ræða málverk eða handsmíðaðan hlut er markmiðið alltaf það sama – að skapa eitthvað einstakt sem hefur karakter og fær að njóta sín.

List sem fær nýtt heimili

Það er eitthvað sérstakt við að skapa hlut frá grunni og sjá hann síðan finna sinn stað á heimili einhvers annars.

Hér getur þú skoðað verk Þorfinns og haft beint samband ef eitthvað vekur áhuga þinn.

Velkomin í heim Þorfinns Karls – þar sem náttúra, list og handverk mætast.

*Skrifað af eiginkonu Þorfinns